“Real Oruro” ilə “Bluminq” arasında Boliviya kubokunun 1/4 final oyununda qalmaqal yaşanıb. Hakim meydanda baş verən yumruq davasını yatırmaq üçün qırmızı vərəqədən geninə-boluna istifadə edib. Nəticədə, referi 2:2 hesabıyla başa çatan görüşdə nə az, nə çox düz on yeddi qırmızı vərəqə göstərib. Düzdü, “vərəqə olayı” əsasən final fitindən sonra yaşanıb. Ancaq referinin vərəqə cəhdi münaqişəni həlli etməyib və hadisəyə polis dəstəsi müdaxilə edib. On yeddi qırmızı vərəqədən 10-u “Real Oruro”nun, yeddisi isə “Bluminq”in oyunçuları və rəsmilərinə göstərilib. Maraqlıdır ki, bu rəqiblər dekabrın 7-da ölkə çempionatının oyununda yenidən üz-üzə gələcəklər.