“Beşiktaş”ın baş məşqçisi Sərgən Yalçın qış transfer pəncərəsində “Kalyari”də ümidləri doğrultmayan Semih Kılıçsoyu komandaya qaytarmaq istəyir. Təcrübəli məşqçi gənc forvarddan həm mərkəz, həm də sol cinahda istifadə etməyi planlaşdırdığı söylənilir. Artıq Sərgən Yalçın milli oyunçunu yanvarda geri qaytarmaq üçün rəhbərliklə danışıqlar aparıb.
La Gazzetta dello Sport-un məlumatına görə, “Kalyari” bossları mövsümün əvvəlində “Beşiktaş”ıın icarəyə verdiyi 20 yaşlı hücumçunun çıxışından narazıdırlar və qış transfer pəncərəsində onun icarə müqaviləsini ləğv etməyi düşünürlər. Hesabatda bildirilir ki, gənc oyunçu İtaliyada gözləntiləri doğrultmadı və o, vəziyyəti yaxşılaşdıra bilməsə, ayrılmaq qaçılmaz olacaq. Semih Kılıçsoy A seriyası və İtaliya Kuboku oyunlarında 8 matçda, daha dəqiqi 182 dəqiqə meydanda olub. Təssüf ki, forma geyidiyi görüşlərdə hesabına qol və məhsuldar ötürmə yaza bilməyib.