Qadın futbolunda dominantlığını davam etdirən “Barselona”, əzəli rəqibi “Real” üzərində növbəti parlaq qələbəsini qazanıb. UEFA Qadınlar Çempionlar Liqasının 1/4 final mərhələsində qarşılaşan tərəflərin duelində kataloniyalılar rəqibinə şans verməyib.

Səfərdəki ilk oyunda 6:2 hesablı üstünlük əldə edən “Barsa”, doğma meydanda keçirilən cavab matçında daha amansız davranaraq rəqib qapısından 6 cavabsız top keçirib. Beləliklə, “Barselona” ümumi hesabda 12:2 qalib gələrək yarımfinala yüksəlib.

Maraqlıdır ki, Kataloniya paytaxtında keçirilən qarşılaşmaya maraq yüksək olub. Oyun üçün ayrılan 62 652 biletin hamsı satılıb.

Bu qarşılaşma iki nəhəng klubun qadın komandaları arasındakı 25-ci yubiley dueli kimi tarixə düşdüb. “Barselona”nın qadınlar “El Klasiko”sundakı mütləq hegemonluğu statistik rəqəmlərdə də özünü qabarıq büruzə verir.  Keçirilən 24 matçda meydanı qalib tərk edən “Barsa” cəmi bir dəfə məğlubiyyət acısı yaşayıb. Bu görüşlərdə rəqib qapısına 92 qol vuran Kataloniya təmsilçisi, öz qapısında cəmi 12 top görüb.