Oyundan öncə anons xəbərimizdə bu oyunda Azər Bağırovun “Kəpəz”in sükanı arxasına keçdikdən sonra möcüzə baş verəcəyi haqda təxminlər irəli sürmüşdük. Bağırovun gəlişi ilə böhran içində olan autsayder “Kəpəz”in oyunçularına Şamaxıda sanki ikinci nəfəs gəlmişdi. Komanda əməlli-başlı dirçəliş nümayiş etdirərək səfərdə güclü ortabablardan olan “Şamaxı”nı məğlub etdi. Gəncə komandası rəqibini darmadağın etməklə komandanı hesabdan silməyin tez olduğunu göstərdi. Buna futbolda “Azər Bağırov effekti” də demək olar. Əvvəllər də ortabab komandalarla yaxşı nəticə göstərməyi bacaran Bağırov milli komandanın sükanı arxasında məğlubiyyətlərlə tərif qazanan Ayxan Abbasov üzərində cüdo dili ilə desək təmiz qələbə qazandı. “İppon”!
Bu, “Kəpəz”in çempionatda ilk qələbəsi olmaqla yanaşı, çempionatda intriqanın qalmasına da səbəb olacaq.
“Şamaxı” – “Kəpəz” 1:4
Qollar: S. Enrike, 11 – F. Nəbiyev, 34; 39. L. Paçu, 67-p; 85.
