“Real”ın baş məşqçisi Alvaro Arbeloa ilə təcrübəli müdafiəçi Dani Karvaxal arasındakı münasibətlər kəskinləşib. Mənbələrin məlumata görə, tərəflər arasında şəxsi ünsiyyət demək olar ki, tamamilə kəsilib.

Bildirilir ki, futbolçu meydana çıxmağa tam hazır olduğuna əmindir, lakin o, “mövcud vəziyyətlə bağlı hələ də ağlabatan bir izahat almayıb”.

 Bundan əvvəl 34 yaşlı veteranın oyun praktikasının azlığından ciddi şəkildə narazı olduğu qeyd edilirdi. O, La Liqanın 23-cü turu çərçivəsində keçirilən “Valensiya” ilə matçı (2:0) sonadək ehtiyat oyunçular skamyasında izləyib.

Oyun bitdikdən dərhal sonra Karvaxal fiziki hazırlıq üzrə məşqçi Antonio Pintusun nəzarəti altında məşq etmək üçün meydana yollanıb. “The Athletic” nəşrinin məlumatına görə, Daninin hərəkətlərində aşkar “qıcıq və narazılıq” hiss olunub.Futbolçunun yaxın ətrafı onun oyun praktikasının yoxluğuna görə depressiv vəziyyətdə olduğunu təsdiqləsə də, müdafiəçinin peşəkarlığını qoruyacağı və intensiv məşqlərinə davam edəcəyi bildirilir.