UEFA Konfrans Liqasının 3-cü təsnifat mərhələsinin ilk oyununda “Araz-Naxçıvan” öz meydanında Kipr “Omoniya”na məğlub olaraq daha bir mərhələ keçmək şansını çətinləşdirib. Oyunun ilk dəqiqələrindən kiprlilərin həddən artıq intizamlı oynadıqları göründü. Kiiprlilər deməkl olar rəqibə oyun qurmaq imkanı vermədi. “Araz-Naxçıvan” isə “Aris”lə oyundakı kimi mütəşəkkil və mübariz deyildi. Belə vəziyyətdə nəticə özünü gözlətmədi. Hətta ötən oyunlarda komandanın ən yaxşılarından olan Andrade də özünü toparlaya bilmirdi və məhz onun səhv ötürməsi “Araz-Naxçıvan”ın qapısına ilk qola səbəb oldu. Bu qoldan sonra naxçıvanlılar ümumiyyətlə toparlana bilmədilər və tezliklə Louziu dubl etdi.

İkinci hissə də birincidən çox fırqlənmədi. Kiprlilər açıq-aşkar meydan sahiblərindən üstün idi və bu üstünlük daha iki qolla özünü göstərdi. Bununla da Elmar Baxşıyevin yetirmələri çiyinlərindən yuxarı tullanmaq iqtidarında olmadığını göstərdi. Onsuz da bir mərhələ keçməklə çoxlarını təəccübləndirən Naxçıvan klubu ümidləri artırsa da, möcüzə yarada bilmədi. Baxşıyev faktiki olaraq komandanı belə çətin sınağa hazırlaya bilməmişdi. Bununla da ağır ev məğlubiyyəti ikinci oyunu faktiki olaraq turistik səfərə çevrirdi.

UEFA Konfrans Liqas;

3-cü təsnifat mərhələsi, ilk oyun

7 avqust, Bakı. “Dalğa Arena”.

“Araz-Naxçıvan” (Azərbaycan) – “Omoniya” (Azərbaycan) – 

“Araz-Naxçıvan”: Kristian Abraham, Bruno Aleksandre, Bəxtiyar Həsənalızadə, İssuf Paro, Ürfan Abbasov Patrik Andrade, Vanderson Melo, Şarl Boli (Bruno Rodriqes, 25), Felipe Santos, Bar Kohen, Simakala.

“Omoniya”: Fabiano, Kitsos, Senu Kulibali, Villi Semedo, Yovetiç, Evandro, Mariç, Masuras, Panaqiotu, Kussulos, Louziu (Neofitou, 86).

Qol: Louziu, 13 (0:1). Louziu, 22 (0:2). Evandro, 55 (0:3). Jovetiç, 58 (0:4).