FIBA Avropa Kubokunun əsas mərhələsində çıxış edən təmsilçilərmiz “Abşeron Lions” və “Neftçi” son turda bir-biri qarşılaşıb. Bakı İdman Sarayında keçirilən matçda “aslanlar” “Neftçi”ni məğlub edib – 95:86. Xatırladaq ki, bu cütün ilk qarşılaşmasında “ağ-qaralar” qələbə qazanmışdı – 104:86. Azərbaycan klublarının yer aldığı I qrupun digər oyununda isə Estoniya “Kalev”i evdə Polşanın “Trefl” klubu ilə qarşılaşıb və meydan sahibləri qələbə qazanıb – 101:83.
Növbəti mərhələyə qrup qaliblər ilə yanaşı, ikincilər arasında ən yaxşı nəticə göstərən 6 komanda vəsiqə qazanıb. Təəssüf ki, “ağ-qaralar”ın “Abşeron Lions”ə uduzması onların ikinci mərhələyə adlamasını əngəlləyib.