Niderlandda şahmat üzrə nüfuzlu “Tata Steel Challengers” beynəlxalq turniri davam edir. Ölkəmizi bu yarışda gənc qrosmeysterimiz Aydın Süleymanlı uğurla təmsil edir.
10-cu turunda İspaniya təmsilçisi Daniil Yuffa ilə qarşılaşan Süleymanlı rəqibini məğlub edərək vacib qələbə qazanıb. Bu nəticədən sonra hesabındakı xalların sayını 8-ə çatdıran şahmatçımız turnir cədvəlində yenidən təkbaşına liderliyə yüksəlib.
Qeyd edək ki, 14 şahmatçının* mübarizə apardığı yarış dairəvi sistem üzrə keçirilir və ümumilikdə 13 turdan ibarətdir. Fevralın 1-də yekunlaşacaq “Tata Steel Challengers” turnirinin qalibi böyük üstünlük əldə edəcək. Belə ki, qalib gələn şahmatçı növbəti il Maqnus Karlsen və Din Lijen kimi dünya şahmat elitasının yarışdığı məşhur “Masters” qrupuna vəsiqə qazanacaq.