Qətərdə keçirilən Qitələrarası Kubokun finalında Fransanın “PSJ” və Braziliyanın “Flamenqo” klubları üz-üzə gəlib. Gərgin keçən qarşılaşmanın əsas və əlavə vaxtı 1:1 hesabı ilə başa çatdığından, qalib penaltilər seriyasında müəyyənləşib.
Matçda hesabı 38-ci dəqiqədə Dezire Duenin ötürməsindən sonra Xviça Kvaratsxeliya açıb. “Flamenqo” bu qola 60-cı dəqiqədə Jorjinyonun penalti zərbəsi ilə cavab verib. Oyunun sonlarında və əlavə vaxtda “PSJ” Dembele, Vitinya və Barkola ilə çoxsaylı qol şansları yaxalasa da, braziliyalıların müdafiəsini yara bilməyib.
Penaltilər seriyasında isə parislilərin qapıçısı Matvey Safonov əsl qəhrəmanlıq göstərib. Rəqibin 4 zərbəsini dəf edən qapıçı, komandasının kuboku başı üzərinə qaldırmasında əsas pay sahibi olub.