AFFA-nın klubların lisenziyalaşdırılması üzrə hesabatına əsasən, Azərbaycan Premyer Liqasında iştirak edən klubların 2024-cü il üzrə maliyyə göstəriciləri məlum olub.
Siyahıya “Qarabağ” başçılıq edir. Ağdam təmsilçisi il ərzində büdcəsinə 34 milyon 753 min 800 manat vəsait cəlb edib.
Ən çox qazanc əldə edən ikinci klub “Neftçi” (28 milyon 617 min 506 manat), üçüncü isə “Sabah” (26 milyon 953 min 800 manat) olub.
Digər klubların gəlirləri isə aşağıdakı kimi formalaşıb:
“Zirə” – 10 968 897 manat
“Sumqayıt” – 9 178 060 manat
“Səbail” – 7 799 500 manat
“Araz-Naxçıvan” – 6 208 100 manat
“Turan Tovuz” – 6 145 200 manat
“Kəpəz” – 3 711 300 manat
“Şamaxı” – 3 051 300 manat
Qeyd: Bu vəsaitlər reklam, sponsorluq, bilet satışı, UEFA ödənişləri, Futbolun İnkişafı Fondu, kommersiya və digər əməliyyatlardan əldə edilən gəlirlər hesabına formalaşıb.