Gecənin ən maraqlı oyunu “Real” – “Mançester Siti” görüşü olacaq. Deyilənə görə, qarşılaşma Xabi Alonsonun “Kral klubu”nun baş məşqçi postunda sonuncu oyunu ola bilər. Madridlilərin heyət baxımından ciddi problemi var. Zədə üzündən Eder Militao, Din Heysen, Trent Aleksandr-Arnold, Dani Karvaxal, David Alaba və Ferland Mendi meydana çıxa bilməyəcək. Üstəlik komandanın lideri Kilian Mbappe əzələ problemi və barmağının sınması üzündən oyunu buraxa bilər. “Şəhərlilər”in düşərgəsində isə əhval-ruhiyyə heç də pis deyil. Onlar Premyer Liqada qazandıqları ardıcıl 3 qələbədən sonra lider “Arsenal”la xal fərqini ikiyə endirə bilib. Ancaq İngiltərə çempionatındakı qələbələrə baxmayaraq, “Mançester Siti”nin müdafiə xətti arzu olunan səviyyədə deyil. Xosep Qvardiolanın komandası son üç oyunda 7 top buraxıb.
21:45 Vilyarreal – Kopenhagen CBC Sport
21:45 Qarabağ – Ayaks İctimai TV
00:00 Atletik – PSJ CBC Sport
00:00 Bayer – Nyukasl
00:00 Benfika – Napoli
00:00 Borussiya D – Bude Qlimt
00:00 Brügge – Arsenal
00:00 Real – Mançester Siti İctimai TV
00:00 Yuventus – Pafos