Türk futbolda davam edən böyük mərc istintaqının ikinci əməliyyat dalğası həyata keçirilib. Bu dəfə saxlanılanlar arasında “Fənərbaxça”lı Mert Hakan Yandaş və əvvəllər bu səbəbdən diskvalifikasiya olunan “Qalatasaray”lı Metehan Baltacı da var. Proses davam etdikcə, İstanbul Baş Prokurorluğu (İBP) gözaltına alınanların adlarını və saxlanılma səbəblərini açıqlayır. Futbol mərc iddialarına qarşı başlanılan prossesin ilk dalğasından sonra prokurorluğun əmri ilə daha geniş əməliyyat keçirilib. Bu dəfə 46 oyunçu ilə yanaşı, bir neçə klub rəhbərləri və futbol dünyasının tanınmış simaları saxlanılıb. İBP-in açıqlamasında “Qalatasaray”ın oyunçusu Metehan Baltacıdan başqa ümumilikdə 27 futbolçunun komandasının oyununa mərc etdiyinə görə saxlanıldığı bildirilir.
Qanun keşikçiləri bildiriblər ki, “Fənərbaxça”lı Mert Hakan Yandaşın qanuni mərc saytlarında başqası vasitəsi ilə mərc qoyduğu aşkarlanıb və bu səbəbdən nəzarətə alınıb. Superliqa hakim Zorbay Küçükdə gözaltına alınıb. O, bank hesablarındakı şübhəli fəaliyyətə görə saxlanılıb.
Səhər saatlarında keçirilən əməliyyat zamanı oyunçulardan başqa bir neçə klub rəhbəri barəsində də həbs qərarı verilib. Saxlanılanlar arasında hakim və şərhçi Ahmet Çakar və həyat yoldaşı Arzu xanım, “Nazilli Bələdiyəspor”un prezidenti Şahin Kaya, “Ankaraspor”un prezidenti Mehmet Emin Katipoğlu və “Adana Dəmirspor”un sabiq başqanı Murat Sancakda var.
