Günün ikinci oyununda çempionatın autsayderlərindən olan “Qəbələ” “Sumqayıt” qarşısında bir hissə tab gətirə bildi. İkinci hissə qonaqlar üstünlüyü qola çevirə bildi. Ötən turlarda olduğu kimi qəbəlilər həvəsli futbol oynasalar da, təcrübə baxımından ciddi çətinlik yaşadılar. Məhz lazımi strategiya və taktiki müdrikliyin çatmaması bu dəfə də məğlubiyyətin əsas səbəblərindən oldu. Bundan başqa “Qəbələ”nin müdafiə xətti arasında ciddi əlaqəsizlik var. Qarşılıqlı sığortalama və mövqe seçimində də ciddi axsama hiss olunur. Buraxılan qollarda müdafiəçilər arasında rabitənin olmaması aşkar görünür.
Növbəti məğlubiyyətdən sonra Kaxaber Tsxadadzenin komandası “Karvan-Yevlax” və “Kəpəz”lə autsayderlər qrupunu formalaşdırır. Yevlaxlılar sabah “Araz-Naxçıvan”la oyunda xal qazanarsa 10-cu yerə yüksələ bilər.

Premyer Liqa, 11-ci tur

“Qəbələ” – “Sumqayıt” 0:2
Qollar: R. Əhmədzadə, 54. A. Ramalinqom, 81.

Turnir cədvəli