İspaniya Kral Futbol Federasiyasının keçmiş prezidenti Luis Rubialesə qoyulan 3 illik qadağa başa çatıb. FIFA prosesdə iştirak edən tərəflərə cəza müddətinin tam tamamlandığını və onun futbola qayıtmasına rəsmi maneə qalmadığını bildirib.
Xatırladaq ki, Rubiales 2023-cü il qadınlar arasında keçirilən dünya çempionatının mükafatlandırma mərasimində futbolçu Cenni Ermosonu icazəsiz öpdüyünə görə qalmaqallı şəkildə gündəmə gəlmişdi. Hadisədən sonra artan təzyiqlər fonunda o, həm İspaniya Federasiyasının rəhbəri, həm də UEFA-nın vitse-prezidenti vəzifəsindən istefa verməyə məcbur olmuş, ardından FIFA tərəfindən 3 illik futbol fəaliyyətindən uzaqlaşdırılmışdı.
Sanksiya müddəti bitsə də, böyük nüfuz xələli alan Rubialesin futbolda yenidən hansısa vəzifə tutacağı və ya seçkilərə qatılacağı hələlik dəqiq deyil.