Yay transfer pəncərəsinin ən diqqətçəkən keçidlərindən biri rəsmən yekunlaşmaq üzrədir. Fransa yığmasının vingeri Bredli Barkolya PSJ-ni tərk edərək karyerasını “Liverpul”da davam etdirəcək. Jurnalist Pedro Almeydanın məlumatına görə, tərəflər 23 yaşlı futbolçunun keçidi ilə bağlı tam razılığa gəliblər. Transferin dəyəri təxminən 128 milyon avro təşkil edəcək Barkolya Mersisayd təmsilçisi ilə 5 illik müqavilə imzalayacaq. Anlaşmaya müqavilənin daha bir mövsüm uzadılması opsiyası da daxil edilib.
Fransalı oyunçu 2023-cü ilin yayında “Lion”dan 45 milyon avroya transfer olunduğu vaxtdan PSJ-nin şərəfini qoruyub. O, Paris təmsilçisinin heyətində bütün turnirlərdə keçirdiyi 152 matçda 39 qol vurub və 37 məhsuldar ötürmə müəllifi olub.
PSJ ilə 12 titul qazanan, o cümlədən iki dəfə Çempionlar Liqasının qalibi olan vinger bu yay DÇ-2026-da Fransa yığmasının da şərəfini qoruyub. O, mundialda meydanda olduğu 8 qarşılaşmada 3 qol və 1 məhsuldar ötürmə ilə yadda qalıb.