UEFA Konfrans Liqasının III təsnifat mərhələsində keçiriləcək “Qarabağ” – “Dinamo ” (Kiyev) cavab oyununun biletləri bu gün saat 12:00-dan etibarən satışa çıxarılıb.
Standart biletlərin qiyməti 5, 10, 15 və 20 manatdır. VIP sektorlar üçün biletlər 50, 75 və 100 manat, VVIP sektor üçün isə 150 manat təşkil edir.
Klub azarkeşlərə xatırladıb ki, stadiona giriş yalnız etibarlı QR kodu olan biletlə mümkün olacaq. Avqustun 13-də Tofiq Bəhramov adına Respublika Stadionunda keçiriləcək “Qarabağ” – “Dinamo ” (Kiyev) qarşılaşması saat 20:00-da başlayacaq.
Komandalar arasında ilk oyun isə bu gün Polşanın Lüblin şəhərində yerləşən “Lüblin Arena”da keçiriləcək və Bakı vaxtı ilə saat 21:00-da start götürəcək.