“Barselona”nın ulduz futbolçusu Lamin Yamal İspaniya millisinin və baş məşqçi Luis de la Fuentenin əsl talismanına çevrilib. DÇ-2026-nın yarımfinalında Fransanı (2:0) məğlub edərək finala yüksələn ispanların uğurlarında gənc ulduzun rolu danılmazdır.

Yarımfinal qələbəsindən sonra Yamalın Dünya və Avropa çempionatlarındakı inanılmaz seriyası davam edir. Belə ki, İspaniya millisi gənc vingerin əsas heyətdə meydana çıxdığı bütün böyük beynəlxalq turnir matçlarında qalib gəlib: 12 oyun, 12 qələbə.

DÇ-2026-nın ilk turunda Kabo-Verdeyə qarşı keçirilən matç bu asılılığın ən bariz nümunəsidir. Həmin görüşdə Yamal yalnız son dəqiqələrdə ehtiyatdan meydana daxil olmuş və İspaniya gözlənilmədən xal itirmişdi (0:0). Onun ilk dəqiqələrdən başladığı digər bütün matçlarda isə yığma meydandan qalib ayrılıb.

Görünür, əgər bu “Yamal sehri” davam edərsə, Luis de la Fuente iyulun 19-da keçiriləcək DÇ-2026-nın finalı üçün qələbə reseptini artıq bilir.