“Turan Tovuz”un Ankaradakı təlim-məşq toplanışı yarımçıq qalıb. İyunun 12-də qardaş ölkəyə yollanan komanda artıq Bakıya qayıdıb.
Buna səbəb İdman Arbitraj Məhkəməsinin (CAS) UEFA-nın qərarını qüvvədə saxlaması olub. Belə ki, komandanın bir mövsümlük avrokuboklardan kənarlaşdırılması rəsmiləşib. İlk planı sırf Konfrans Liqasına hazırlıq üzərində quran Qurban Berdiyevin komandası bu qərardan sonra toplanışı dayandırmalı olub.
Futbolçulara istirahət verən rəhbərlik, yeni mövsümün hazırlıq planına yenidən nəzərdən keçirəcək.