Azərbaycanın U-20 milli komandasının aprelin 13-dən 26-na kimi nəzərdə tutulan təlim-məşq toplanışı ilə əlaqədar olaraq, Misli Premyer Liqasının əvəzedici heyətlərinin yarışında fasilə elan edilib. Peşəkar Futbol Liqasından verilən məlumata görə, turnirin təqvimi millinin hazırlıq proqramına uyğun olaraq yenidən tənzimlənib.

13 apreldə baş tutacaq oyunlardan dərhal sonra turnirdə iki həftəlik fasilə elan olunacaq.

Çempionatın qalan turlarının dəqiq tarixləri və yenilənmiş oyun cədvəli barədə PFL tərəfindən yaxın günlərdə əlavə məlumat veriləcək.

Qeyd edək ki, bu addım gənc futbolçuların milli komandanın düşərgəsinə maneəsiz qoşulmasını təmin etmək və klubların heyət sıxıntısı yaşamamasının qarşısını almaq məqsədi daşıyır.