2012-ci ildə leykemiya ilə mübarizə aparan balaca “Santos” azarkeşi Mateus Neymarla görüşüb və onunla şəkil çəkdirib. Mateus həmin gün ulduz futbolçudan qol vurduğu halda onun xahiş etdiyi rəqi oynamasını istəyib. Neymar isə sözünü tutub və qol vurduqdan sonar balaca azarkeşin arzuladığı rəqsi ifa edib və bu anı futbol tarixinin ən təsirli məqamlarından birinə çevirib.

Ağır xəstəliyə baxmayaraq, Mateus “Santos” sevgisindən əl çəkməyib və leykemiya ilə mübarizəsini uğurla başa vuraraq sağalıb. Bu arada tale Neymarı yenidən “Santos”la bir araya gətirib. Braziliyalı oyunçu komandasını Braziliya A seriyasından düşməkdən xilas edib və illər əvvəl görüşdüyü Mateusa yenidən baş çəkib. Xəstəliyə qalib gələn Mateus xəyallarını gerçəkləşdirmək və o simvolik rəqsi yenidən canlandırmaq üçün komandasını liqadan düşməkdən xilas edən kumiri Neymarın yanına – “Rei Pele” Tədris Mərkəzinə yollanıb. Mərkəzdəki görüşdə o anlar yenidən canlanıb; onlar birlikdə şəkil çəkdirib və həmin “qələbə rəqsi”ni təkrarlayıblar.