Bu gecə Çempionlar Liqasının əsas mərhələsində 1-ci tur başa çatıb. Qitənin mötəbər klub turnirində debüt edən “Kayrat” Lissabonda “Sportinq”ə müqavimət göstərə bilməyib və böyük hesabla məğlub olub. “Qalatasaray” da bu mövsüm Türkiyə klublarının uğursuz çıxış seriyasını davam etdirib. Frankfurtda Yusufun qolu ilə hesab açan “sarı-qırmızılılar” sonradan darmadağın olub. Ən intriqalı oyun isə “Qarabağ”ın üz-üzə gələcəyi “Kopenhagen”in iştirakı ilə olub. Danimarkalılar iki dəfə hesabda irəli keçib, lakin “Bayer” son dəqiqələrdə məğlubiyyətdən qaça bilib. “Kopenhagen” sürətli hücumları ilə yadda qalıb və Bakıda “Qarabağ”a ciddi rəqib olacağını göstərib.
“Brügge” – “Monako” 4:1
Qollar: Trezoldi, 32. Onyedika, 39. Vanaken, 42. Dyaxon, 75 – Fati, 90+2.
“Kopenhagen” – “Bayer” 2:2
Qollar: Cordan Larsson, 9. Robert, 87 – Qrimaldo, 82. Xatsidiakos, 90+2-avtoqol.
“Ayntraxt” – “Qalatasaray” 5:1
Qollar: Davinson Sançes, 37-avtoqol. Can Uzun. 45+2. Burkqardt, 45+5; 66. Knauff, 75 – Yusuf Akgün, 8.
“Mançester Siti” – “Napoli” 2:0
Qollar: Halland, 56. Doku, 65.
“Nyukasl” – “Barselona” 1:2
Qollar: Reşford, 58; 67 – Qordon, 90.
“Sportinq” – “Kayrat” 4:1
Qollar: Trinkan, 44; 65. Allison Santos, 67. Kenda, 68 – Edmilson, 86.