Bakının “Sabah” klubu Premyer Liqada 50-ci səfər qələbəsini qazanıb. Peşəkar Futbol Liqasının (PFL) məlumatına görə, “bayquşlar”ın bu yubileyi çempionatın 26-cı turunda baş tutan “Araz-Naxçıvan”la qarşılaşmaya (4:2) təsadüf edib.
Masazır təmsilçisi bu göstəriciyə 120-ci səfər matçında nail olub. Qeyd edək ki, “Sabah” elitadakı ilk səfər qələbəsini 12 avqust 2018-ci il tarixində “Şamaxı” (o zamankı “Keşlə”) üzərində qazanıb (1:0).Azərbaycan çempionatları tarixində indiyə qədər yalnız 11 komanda səfər oyunlarında 50 və daha çox qələbə sevinci yaşayıb. “Sabah” bu nəticə ilə ölkə futbolunun tarixinə düşərək, qələbə sayında “Şəmkir” klubuna çatıb.