“Sabah”ın U-18 komandası Bosniya və Herseqovinanın Laktaşi şəhərində keçirilən Gənclər Çempionlar Liqasında (YCL) növbəti oyununa çıxıb. B qrupunda yer alan təmsilçimiz ikinci turda Almaniyanın “Porşe BBA Lüdviqsburq” klubu ilə qarşılaşıb. Gərgin keçən mübarizədə basketbolçularmız inamlı qələbə qazanaraq turnirdə hesabına ilk xallarını yazdırıblar.

Matçın əsas qəhrəmanı “Sabah”ın mərkəz oyunçusu Emmanuel Aqbason olub. O, göstərdiyi inanılmaz statistika ilə Gənclər Çempionlar Liqasının tarixinə düşüb. Aqbason qarşılaşmanı 28 xal, 20 ribaund və 8 blok-şotla tamamlayaraq turnir rekorduna imza atıb.

“Sabah” (Azərbaycan) – “Porşe BBA Lüdviqsburq” (Almaniya) 72:61 (11:13, 15:12, 20:17, 26:19)

Xatırladaq ki, “Sabah” turnirin ilk matçında Bosniya təmsilçisi “İqokea”ya məğlub olmuşdu (58:88).

urnirin formatına görə, yalnız qrup qalibləri yarımfinala adlayacaq. İkinci yerin sahibləri 5-8-ci, qrup sonuncuları isə 9-12-ci yerlər uğrunda mübarizə apararaq yekun sıralamadakı mövqelərini müəyyənləşdirəcəklər.