Sabah “World Boxing”in təşkilatçılığı ilə qadın və kişi boksçular arasında ilk dünya çempionatının püşkü atılacaq. Dünya Çempionatı sabah start götürəcək. İngiltərənin Liverpul şəhərində 11 gün davam edəcək yarışda 60-dan çox ölkənin 500-dək boksçusunun iştirakı gözlənilir. Yarışlar 10 çəki dərəcəsində aparılacaq. Azərbaycan millisi də Dünya Kubokunda qüvvəsini sınayacaq. Kişi boksçulardan ibarət komanda Liverpulda tam heyətlə çıxış edəcək. Baş məşqçi Ravşan Xocayev, məşqçilər Nəriman Abdullayevlə Etibar Abdullayev dünya çempionatına aşağıdakı heyəti aparıb:

Sübhan Mamedov (50 kq), Nicat Hüseynov (55 kq), Məhəmmədəli Qasımzadə (60 kq), Zaur Qəhrəmanov (65 kq), Sərxan Əliyev (70 kq), Səidcəmşid Cəfərov (75 kq), Murad Allahverdiyev (80 kq), Surət Qarayev (85 kq), Alfonso Dominqes (90 kq) və Məhəmməd Abdullayevə (+90 kq).

Qadınların yarışında isə ölkəmiz cəmi 1 boksçu ilə çıxış edəcək. Baş məşqçi İlkin Ağayevin rəhbərliyi altında Aynur Mikayılova (57 kq) ölkəmizi təmsil edəcək.