Mundialın yarımfinalında Argentina və İngiltərə arasında keçirilən gərgin qarşıdurma dramatik anlarla yadda qaldı. Görüşün böyük hissəsini məğlub durumda və turnirlə vidalaşmaq ərəfəsində olan Argentina 86-cı dəqiqədə möcüzəyə imza atdı.

Antoni Qordonun qolu ilə hesabda geri düşən “albiseleste” üçün dönüş nöqtəsi Lionel Messinin ötürməsi ilə gəldi. Künc zərbəsindən sonra topu qəbul edən Enso Fernandes cərimə meydançasının xaricindən endirdiyi dəqiq və güclü zərbə ilə Cordan Pikfordu məyus edərək hesabı bərabərləşdirdi.

Bu qol stadionda tribunaları ayağa qaldırarkən, kameralar Messinin həyat yoldaşına yönəldi. Əlində argentinalı ulduzun “10” nömrəli forması ilə matçı izləyən xanım, bu kritik anın gətirdiyi həyəcan və rahatlıq hissi ilə göz yaşlarına hakim ola bilmədi. Yaxınları ilə sevincini bölüşən Messinin həyat yoldaşının yaşadığı bu emosional anlar, matçın gərginliyinin miqyasını bir daha nümayiş etdirdi.

Qolun gətirdiyi ruh yüksəkliyi ilə hücumlarını gücləndirən Argentina, cəmi altı dəqiqə sonra yenidən səhnəyə çıxan Lionel Messinin növbəti məhsuldar ötürməsi ilə qələbə topunu vuraraq finala vəsiqə qazandı. Messinin dünya çempionatındakı “son rəqsi” davam edir.