“Qarabağ”ın aparıcı yarımmüdafiəçisi Marko Yankoviç yenidən Monteneqro milli komandasının heyətinə cəlb olunub. Təcrübəli pleymeyker martın 28-də Andorra və aprelin 1-də Sloveniya ilə keçiriləcək yoldaşlıq görüşlərində ölkəsinin şərəfini qoruyacaq. Podqoritsada baş tutacaq hər iki qarşılaşma monteneqroluların növbəti tsikl üçün hazırlıq mərhələsi baxımından böyük önəm daşıyır.

Ağdam klubunun digər legioneri Kamilo Duranla bağlı isə vəziyyət fərqli məcra alıb. Bir neçə gün əvvəl 24 yaşlı hücumçunun Kolumbiya millisinə çağırıldığı barədə məlumat verilsə də, son siyahıya onun adı salnmayıb. Baş məşqçi Nestor Lorentsonun Xorvatiya və Fransa ilə sınaq matçları üçün açıqladığı 26 nəfərlik geniş heyətdə Duranın adına rast gəlinmir.

Maraqlıdır ki, “Köhlən atlar” ilkin olaraq futbolçunun dəvət aldığını rəsmən elan etsə də, qısa müddət sonra həmin paylaşımı sosial media hesablarından silib. Bu məqam idman ictimaiyyəti tərəfindən oyunçunun dəvətinin son anda ləğv edilməsi və ya texniki yanlışlıq kimi qiymətləndirilir.