İsveçrənin Bil şəhərində keçirilən ənənəvi şahmat festivalında “Masters” qrupunda mübarizə aparan qrossmeysterimiz Aydın Süleymanlı növbəti görüşünü keçirib.
Klassik şahmat yarışlarında qüvvəsini sınayan gənc təmsilçimiz növbəti turda da rəqibi ilə sülhə razılaşıb və xalları yarı bölüb. Ardıcıl qeydə alınan bu heç-heçə şahmatçımızın xal ehtiyatını artırması və turnir cədvəlindəki iddialı mövqeyini qoruyub saxlaması baxımından önəmlidir.
Xatırladaq ki, Aydın Süleymanlı klassik şahmat üzrə bundan əvvəlki turda almaniyalı Mattias Blübaumla qarşılaşmadan da yarım xalla ayrılmışdı. Ümumilikdə festival çərçivəsində olduqca inamlı çıxış edən qrossmeysterimiz bundan öncə baş tutan Fişer şahmatı (Şahmat-960) və rapid yarışlarında yüksək nəticə göstərərək ikinci yeri tutmağı bacarıb.