Premyer Liqanın XIX turu çərçivəsində bu gün iki qarşılaşma baş tutub. Günün ikinci matçında “Sumqayıt” doğma meydanda “Zirə”ni qəbul edib.

Mehdi Hüseynzadə adına stadionda toplaşan azarkeşlər qol şousuna və gərgin mübarizəyə şahidlik ediblər. Oyunda hesabı qonaqlar açsa da, meydan sahibləri tezliklə tarazlığı bərpa ediblər. Qarşılıqlı hücumlar şəraitində keçən matçda “Sumqayıt” iki dəfə hesabda geri düşsə də, iradəsini ortaya qoyaraq hesabı bərabərləşdirməyi bacarıb. Lakin matçın son nöqtəsini qonaqlar qoyub. İkinci hissədə meydana daxil olan gürcü legioner Giorgi Papunaşvili 88-ci dəqiqədə vurduğu qolla “Zirə”yə çətin səfərdə vacib qələbə qazandırıb.

“Sumqayıt” – Zirə 2:3 (1:2)

Qollar:

0:1 Volkov, 24’

1:1 Ninkoviç, 26’

1:2 Alıyev, 36’

2:2 Ramalinqom, 50’

2:3 Papunaşvili, 88’

Baş hakim: İnqilab Məmmədov

“Sumqayıt”: Mehdi Cənnətov, Höccət Haqverdi, Səbuhi Abdullazadə (k) (Roy Kahat, 46), Vüsal Rzayev, Aleksandr Ramalinqom, Nikola Ninkoviç (Nihad Əhmədzadə, 81), Rayan Senhaci, Danilo Beskorovaynı, Ronaldo Vaskes, Masaki Murata, Aleksa Yankoviç (Rüstəm Əhmədzadə, 72)

“Zirə”: Tyaqo Silva, Qismət Alıyev (k), İsmayıl İbrahimli, Rövlan Muradov (Yeqor Boqomolski, 72), Rüfət Abdullazadə (Giorgi Papunaşvili, 66), Ruan Renato, Enrike Kustodio, Davit Volkov (Leroy Mikkels, 72), Anje Mutsinzi, Junior Martins (Ceyhun Nuriyev, 65), Ayron Qomis.

Sarı vərəqə: Beskorovaynı, Murata