Hazırda “Neftçi”yə rəhbərlik edən ukraynalı mütəxəssis Yuri Vernidub Sport.ua portalìna müsahbəsində Ukrayna Premyer Liqasının (UPL) hansı futbolçularını Azərbaycan çempionatına dəvət etmək istədiyindən danışıb.

— Fərz edək ki, fantaziyaya baş vururuq. Əgər hipotetik olaraq belə bir imkan olsaydı, UPL-dən hansı üç oyunçunu “Neftçi”yə gətirərdiniz?

— Mövsümün birinci hissəsində “Şaxtyor”un aldığı hücumçu Prosper Oba mənim çox xoşuma gəldi. Məncə, o, həqiqətən də top səviyyəli oyunçudur.

Düşünürəm ki, Vladimir Brajkonu da dəvət edərdim. O da məndə müsbət təəssürat yaradır. Baxmayaraq ki, onun oyununda eniş olduğunu yazırlar və mən də bunu bir az görürəm, lakin istəyirəm ki, bu oğlana dəstək olum və bildirim ki, hər şey onun üçün indicə başlayır. O, hələ öz səviyyəsinə qayıdacaq.

Üçüncü olaraq isə Budkovskini qeyd edərdim. Bəlkə də yaşına görə onu bura (“Neftçi”yə) gətirməzdim. Lakin çox istəyirəm ki, bu mövsüm o, UPL-in bombardiri olsun, — deyə Vernidub bildirib.