Diario Sport-un məlumatına görə, braziliyalı hücumçu Vinisius Junior hazırkı müqaviləsini uzatmaq üçün “Real”la razılığa gəlib. Deyilənə görə, oyunçu ilə baş məşqçi Xabi Alonso arasındakı son münaqişə müqavilənin uzadılmasına təsir etməyəcək.

Ancaq başqa bir mənbə isə əksinə vingerlə “Kral klubu” arasında işlərin qaydasında olmadığını bildirib. Reddit internet portalı futbolçunun bir-neçə sosial mediada səhfələsində onun “Real”ın oyunçusu olduğuna xatırladan təsvirləri sildiyini yazıb. Şərhlərdə azarkeşlər Vinisiusun davranışını “uşaq bağçası” adlandırır və “Real”ı onu satmağa çağırırlar. Vinisiusun “ağlar”la hazırkı müqaviləsi 2027-ci ilin ortalarına qədərdir.

Xatırladaq ki, braziliyalı 2018-ci ildən “Real”da çıxış edir. Bu mövsüm hücumçu klubda 18 oyun keçirib, beş qol vurub və altı məhsuldar ötürmə edib.