“Qalatasaray”ın ulduz hücumçusu Viktor Osimhen UEFA Çempionlar Liqasındakı möhtəşəm çıxışı ilə adını Nigeriya futbolunun tarixinə qızıl hərflərlə yazdırıb. Cari mövsümdə “sarı-qırmızılı” formanı geyinən forvard, qitənin ən nüfuzlu klub turnirində nümayiş etdirdiyi məhsuldarlıqla bütün zamanların rekordunu qırıb.

Nigeriya futbolunda yeni zirvə

“Opta”nın statistik göstəricilərinə əsasən, Osimhen bu mövsüm Çempionlar Liqasında 7 qol və 1 məhsuldar ötürmə ilə yadda qalıb. Ümumilikdə 8 qol epizodunda birbaşa iştirak edən hücumçu, bir mövsümdə ən çox qol töhfəsi verən nigeriyalı futbolçu ünvanına sahib çıxıb.

Bu göstərici ilə o, uzun illərdir keçilməz qalan Tidjani Babangida və Yakubu kimi əfsanələrin, eləcə də son dövrlərin parlayan ulduzu Ademola Lukmanın nəticələrini geridə qoyub.

Rekordçuların siyahısı

Çempionlar Liqasında bir mövsüm ərzində ən çox qol və assist edən nigeriyalı oyunçuların sıralaması aşağıdakı kimidir:

Futbolçu                     Mövsüm      Qol + Assist

Viktor Osimhen       2025/26                       8

Ademola Lukman    2024/25                       6

Tidjani Babangida    1996/97                       6

Yakubu Ayeqbeni    2002/03                       6

Con Utaka                  2002/03                        6