İsrail futbol ictimaiyyətində ciddi narahatlıq yaranıb. Məlumata görə, 23 sentyabr 2025-ci il Avropa Futbol Assosiasiyaları İttifaqının (UEFA) İcraiyyə Komitəsinin iclasında İsrailin Avropa yarışlarından müvəqqəti olaraq kənarlaşdırılması məsələsi səsverməyə çıxarıla bilər.

Hazırda 20 səs hüququ olan ölkənin böyük əksəriyyəti İsrailin kənarlaşdırılmasını dəstəkləyir, yalnız 2–3 ölkə buna qarşı çıxır. İsrail Futbol Assosiasiyası (IFA) bu məsələnin iclas gündəliyinə daxil edilməməsi üçün bütün səylərini göstərir.

Əgər səsvermə keçirilsə və qərar qəbul olunarsa, İsrail klublarının Avrokuboklarda və digər turnirlərdə iştirakı dayandırılacaq, həmçinin İsrail milli komandası 2026 Dünya Çempionatının seçmə oyunlarında iştirak edə bilməyəcək.

İsrail hökuməti Almaniya və Macarıstan kimi ölkələrdən dəstək gözləyir, lakin Qətərin və digər ölkələrin UEFA-ya göstərdiyi təzyiq artır.