17 yaşlı futbolçulardan ibarət ölkəmizin millisi Avropa çempionatının 2-ci seçmə mərhələsində sonuncu oyununa çıxıb. Komandamız turnirin autsayderi hesab olunan Malta seçməsi ilə qarşılaşıb.

Oyunun ilk yarısı komandamız üçün uğursuz başlayıb. Fasiləyə iki top fərqi ilə geridə yollanan futbolçularımız ikinci hissədə xarakter nümayiş etdirərək hesabı bərabərləşdirməyi bacarıblar.

Azərbaycan (U-17) – Malta (U-17) — 2:2

Qollar: Bəşirov, 57 (1:2); Debono, 72-avtoqol (2:2).

Qeyd edək ki, millimiz qrupdakı əvvəlki görüşlərində Bolqarıstanla (1:1) və Litva ilə (0:0) bərabərə qalmışdı. Beləliklə, komandamız mərhələni məğlubiyyətsiz tamamlasa da, qələbə həsrətinə son qoya bilməyib.

Qrupdakı mübarizənin yekun nəticələrinə əsasən komandaların sıralaması belədir: 1. Bolqarıstan -7, 2. Litva – 4, 3. Azərbaycan – 3, 4. Malta – 1.