Gürcüstanın paytaxtı Tbilisidə keçirilən nüfuzlu “Böyük Dəbilqə” turnirində cüdoçumuz Turan Bayramov gümüş medal qazanıb. 66 kq çəki dərəcəsində mübarizə aparan idmançımız nümayiş etdirdiyi əzmkar mübarizə sayəsində bütün rəqiblərini üstələyərək finala yüksəlib. Lakin Turan həlledici qarşılaşmada uğurlu seriyanı qələbə ilə tamamalaya bilməyib. Belə ki, finalda Qazaxıstan təmsilçisi Nurkanat Serikbayevlə qarşılaşan cüdoçumuz rəqibinə məğlub olaraq fəxri kürsünün ikinci pilləsində qərarlaşıb. Qeyd edək ki, qazaxıstanlı idmançı 1/8 final mərhələsində digər cüdoçumuz Rəşad Yelkiyevi mübarizədən kənarlaşdırmışdı.
