Samir Abasovun gedişindən sonra “Neftçi”yə müvəqqəti baş məşqçi təyin olunan Sənan Qurbanov köməkçilərinin siyahısını açıqlayıb. Ona “Neftçi”nin sükanı arxasında Akademiya məşqçiləri kömək edəcək. Söhbət U-19 komandasının köməkçi məşqçisi Samir Zərgərov və qapıçılar üzrə məşqçi Aqil Məmmədovdan gedir.
Sən Qurbanov paralel olaraq “Neftçi” Akademiyasının kordinatoru vəzifəsini də daşıyacaq. O, 2023-2024-cü illərdə Adrian Mutunun məşqçilər korpusunda yer almışdı. Bundan başqa Sənan Qurbanovun baş məşqçi kimi kifayət qədər təcrübəsi var. 45 yaşlı mütəxəssis 2018-2019-cu ildə “Qəbələ”nin baş məşqçisi kimi ölkə kubokunu qazanıb. Daha sonra 2021-2022-ci illərdə “Keşlə”yə rəhbərlik edib.
