Premyer Liqanın 23-cü turun növbəti qarşılaşması Şamaxıda baş tutub. “Şamaxı” öz meydanında “İmişli” ilə qarşılaşıb. Elitada yerini qorumaq uğrunda mübarizə aparan rəqiblərin duelində tərəflər meydanı hərəyə bir xalla tərk ediblər.
Şamaxı şəhər stadionuna toplaşan azarkeşlər hər iki komandadan aktiv və hücumameyilli futbol gözləsələr də, reallıq fərqli olub. Qarşılaşma əsasən orta sahə mübarizəsi şəraitində keçib və qol epizodlarının azlığı ilə yadda qalıb. Komandaların ehtiyatlı oyunu və hücum xəttindəki kəsərsizlik matçın tempinin aşağı düşməsinə səbəb olub.
Nə Ayxan Abbasovun, nə də Jorje Kaşkilyanın taktiki gedişləri, eləcə də ikinci hissədə edilən əvəzləmələr tablodakı rəqəmləri dəyişməyə kifayət etməyib. 90 dəqiqənin sonunda qeydə alınan qolsuz bərabərlik tərəfləri turnir cədvəlində bir addım irəli aparsa da, azarkeşləri məmnun etməyib.
“ŞAMAXI” – “İMİŞLİ” 0:0
Baş hakim: Vüqar Həsənli.
“Şamaxı”: Rikardu Fernandeş (k), Abdulla Rzayev (Emil Süleymanov, 89), Rüfət Abbasov, Kərim Rossi, Andrey Tirkovyanu (Həbib İsmayılov, 89), Sezar, David Santos, Rikardo Apolinario, Alfons Msanqa (Oruc Məmmədov, 46), Edqar Adılxanov (Dioqu Balau, 61), Vladislav Veremeyev.
“İmişli”: Andrey Sinenka, Azər Salahlı (k), İdris İnqilablı (Abbas Ağazadə, 66), Rafael Vieqas, Nikola Karaklaiç (Dieqo Kardozo, 66), Edvin Banquera, Ronaldo Rodriqes, Dioqu Almeyda, Dioqu Rollo, Ezekiyel Morqan, Juninyo.Sarı vərəqələr: Dioqu Almeyda, 27. Alfons Msanqa, 36. David Santos, 60. Ronaldo Rodriqes, 77.