FİFA Türkiyənin “Adana Demirspor” klubuna qarşı növbəti ağır sanksiyanı tətbiq edib. Klubun Şahruddin Məhəmmədəliyev və digər futbolçulara olan borcları səbəbindən daha 12 xalı silinib.
Bu cəzadan sonra 1-ci liqada mübarizə aparan “Adana Demirspor”un vəziyyəti kritik həddə çatıb:
Klub hazırda turnir cədvəlində -40 xalla sonuncu pillədədir.
Ali futbol qurumu bu qərarı Şahruddin Məhəmmədəliyev də daxil olmaqla, keçmiş oyunçuların maliyyə tələblərinin ödənilməməsi əsasında qəbul edib. “Qarabağ”ın qapıçısına olan borcun təxminən 700 min dollar (bəzi mənbələrə görə mükafatlarla birlikdə 1 milyon manatdan çox) olduğu bildirilir.
Komanda meydanda da çətin günlər yaşayır. Fevralın 8-də keçirilən son oyunda “Adana Demirspor” öz meydanında “Bodrum FK”ya 0:5 hesabı ilə məğlub olub.