“Sabah” UEFA Konfrans Liqasının 3-cü təsnifat mərhələsinin ilk oyununda minimal hesabla məğlub oldu. Səfərdə “Levski” ilə qarşılaşan “Sabah” yeganə qolu oyunun son saniyələrində buraxdı. Yeganə qolu künc zərbəsindən sonra başla ikinci yarıda oyuna girən Rupanov vurdu.
90 dəqiqə “Sabah” favorit sayılan “Levski”yə yaxşı müqavimət göstərib zaman-zaman qol imkanları əldə etsə də, nə özü qol vura bildi, nə də rəqibə imkan verdi. Pokatilovun qapıda inamlı oyunu da hesabın açılmasına imkan vermirdi. Təəssüflər olsun ki, 8-ci uzatma dəqiqəsində ani sayıqsızlıq Sofiyadan əlverişli hesabla qayıtmaq fürsətinin üstündən xətt çəkdi.
UEFA Konfrans Liqası
3-cü təsnifat mərhələsi, ilk oyun
Levski (Bolqarıstan) – Sabah (Azərbaycan) 0:0
“Levski”: Vutsov, Aldayr Neveş, Kristian Dimitrov, Kristian Makun, Maykon, Mitkov (Rildo, 80), Everton Bala (Rupanov, 86), Qasper Trdin, Petkov (Soula, 86), Kirilov (Fabian, 46), Sanqare (Oxene, 80).
“Sabah”: Pokatilov, Rəhman Daşdəmirov, Solvet, Noqeyra, Zedadka (Seydiyev, 90+8), Lepinitsa, Zinədin Uld Xaled (Xaybulayev, 67), Letiç, Sekidika, Safranko (Kupusoviç, 74), Coy-Lens Mikels (Alıyev, 90+8)
Qol: Rupanov, 90+8.