Bu gün axşam “Sabah” Bolqarıstanın “Levski” klubu ilə Konfrans Liqasının 3-cü mərhələsində ilk oyununa çıxacaq. Bu mərhələdə “Sabah”a ən çətin rəqibin düşdüyün desək yanılmarıq. 26 dəfə ölkə çempipnu, bir o qədər də ölkə kuboku alan Sofiya klubu  Çempionlar Liqasının qrup mərhələsində də oynamağa nail olub. 1960-cı ildən müntəzəm olaraq Avropa kuboklarında çıxış edir. Bolqarıstanın 1990-cı illərə təsadüf edən qızıl nəslinin bor çox üzvləri də bu klubun yetirməsidir.

Bu günə qədər “Levski” yalnız bir dəfə Azərbaycan klubları ilə qarşılaşıb. 2009/2010 Çempionlar Liqasının 3-cü təsnifat mərhələsində “Bakı”nı məğlub edib (2:0 və 0:0). “Levski” ənənəvi olaraq dinamik futbol oynayır. Nisbətən güclü olmayan rəqiblərlə əsasən hücum futboluna üstünlük verir və “Sabah”ın Avropada elə də tanınmadığını nəzərə alsaq sofiyalıların bu matçda da eyni taktika ilə çıxış edəcəklərini gözləmək olar. Böyük ehtimalla “Sabah”a qarşı yüksək temp nümayiş etdirəcəklər.

Əslində “Sabah” bu günkü “Levski” ilə oyanamaq gücündədir. Lakin problem ondadır ki, “Sabah” nə ötən mövsüm, nə də bu Avrokubok oyunlarında tam potensialını ortaya qoya bilməyib.

🕙 22:00. Levski – Sabah
Baş hakim: Duye Strukan (Xorvatiya)
“Georgi Asparuxov” stadionu.