“Benfika”nın prezidenti Rui Koşta “Lokomotiv”lə transfer məsələsinə görə məhkəmə qarşısına çıxacaq. Söhbət müdafiəçi Herman Kontinin Moskva klubuna keçidindən gedir. Bu transfer üçün Rui Koşta “Lokomotiv”dən 76 min avro alıb. Bu əməliyyat Avropanın Rusiyaya qarşı sanksiyalarının pozulması kimi dəyərləndirilib. İndi Rui Koştanı 5 ilə qədər həbs cəzası gözləyir.
Xatırladaq ki, “Lokomotiv” Kontini 2023-cü ilin yanvarında 300 min avroya “Benfika”dan almışdı. “Dəmiryolçular” ötən ilin yanvarında argentinalı futbolçu ilə yollarını ayıraraq onu 600 min avroya “Rasinq”ə (Argentina) satdı.
