“Elçe” ilə heç-heçə bitən oyun ərəfəsində “Real”ın düşərgəsində maraqlı olay yaşanıb. “Ağlar”ın ümumi yığıncağında bu il dünyasını dəyişən görkəmli şəxslərin xatirəsini yad edən videoçarx göstərilib. Orada İspaniyada avtomobil qəzasında həlak olan portuqaliyalı Diogo Jota və qardaşı Andre Silvanı xatırlamaq niyyəti ilə şəkilləri yerləşdirilib. Ancaq “Liverpul” sabiq oyunçusu Jotanın yanında qardaşının deyil, “Elçe”dən olan adaşı Andre Silvanın şəkli yer alıb. “Elçe”nin portuqaliyalı hücumçusunun şəkli “Real”ın videoçarxında peyda olsa da, onun faciə ilə heç bir əlaqəsi yoxdur.
Məsələnin maraqlı tərəfi ondadır ki, ertəsi günü “Real” “Elçe” ilə qarşılaşıb (2:2) və Andre Silvada start heyətdə meydana çıxıb. Artıq “Kral klubu” rəsmi açıqlama verərək biabırçılığa görə üzr istəyib.
