“Qəbələ” yaxın günlərdə start götürəcək Premyer Liqaya hazırlığı yekunlaşdırmaq üzrədir. Ciddi transferlərlə diqqəti çəkən klub bu dəfə nigeriyalı Salihu Nasirunu heyətinə qatdığını elan edib. Transferin maraqlı tərəfi ondan ibarətdir ki, yarımmüdafiəçinin cəmi 18 yaşı var və yeni komandası ilə 3 illik müqavilə imzalayıb. Bu da klub skautlarının nigeriyalının istedadına böyük ümidlər bəslədiyindən xəbər verir.
Maraqlıdır ki, Salihi Nigeriyanın 20 yaşlılardan ibarət milli komandasında 4 oyun keçirməyə də macal tapıd.
“Qirmizi-qaralar” bu mövsüm üçün artıq Pirins Ovusu, Paulo Quimbila, İsaak Amoah, Adriel Ba Loua, Eduardo Kunde və İbrahim Sanqareni heyətinə qatıb. Ən son transfer isə daha çox səs-küyə səbəb olub. Düzdür “Real Madrid”in yetirməsi olan Xayme hələlik daha çox sosial şəbəkələrdə iti ilə şəkilə görə diqqət çəkib.