Ölkə kubokunun 1/4 final mərhələsində keçirilən “Zirə” – “Sumqayıt” (2:0) qarşılaşması meydan sahiblərinin kapitanı Qismət Alıyev üçün əlamətdar hadisə ilə yadda qalıb. 30 yaşlı müdafiəçi bu oyunla “qartallar”ın heyətində yubiley – 200-cü rəsmi matçına çıxıb.

2020/21 mövsümündən etibarən “Zirə” şərəfini qoruyan Qismət Alıyev, hazırda klub tarixində ən çox oyun keçirən futbolçu statusunu daşıyır. Maraqlıdır ki, təcrübəli futbolçunun bu klubdakı karyerası məhz “Sumqayıt”a qarşı oyunla (1:2) başlayıb və yubiley matçı da təsadüfən eyni rəqibə qarşı baş tutub.

Müdafiə xəttində çıxış etməsinə baxmayaraq, Qismət Alıyev komandasına hücum planında da böyük fayda verib. Onun 200 oyunluq statistikası belədir:

Turnir               Oyun sayı    Qol sayı

Premyer Liqa         166         13

Ölkə kuboku          22          0

Avrokuboklar         12          2

Cəmi                 200         15