“Qarabağ”ın Çempionlar Liqasının pley-off mərhələsindəki rəqibi “Nyukasl”ın heyətində ciddi dəyişiklik edib. “Sağsağanlar” uzun illər komandanın kapitan sarğısını daşıyan Camal Lassels ilə yollarını ayırıb.

Klubun rəsmi saytının məlumatına görə, “Nyukasl” formasında 253 rəsmi oyuna çıxan 32 yaşlı təcrübəli müdafiəçi karyerasını digər bir İngiltərə təmsilçisi “Lester”də davam etdirəcək.

“Qarabağ”la həlledici oyunlar ərəfəsində kapitanın gedişi komanda daxilindəki ab-havaya və müdafiə xəttinin təşkilatçılığına təsir edə bilər. Bu, Ağdam təmsilçisinin sürətli hücumçuları üçün əlavə üstünlük deməkdir.

Avrokubok oyunlarına cəmi iki həftə qalmış belə bir transferin reallaşması “Nyukasl”ın bu mövqedə yeni bir transfer planlaşdırdığını və ya gənc oyunçulara güvəndiyini göstərir. Lakin yeni oyunçunun uyğunlaşma prosesi “Qarabağ”ın xeyrinə işləyə bilər. Lassels “Nyukasl”ın heyətində təkcə müdafiədəki etibarlı oyunu ilə deyil, həm də standart vəziyyətlər zamanı rəqib qapısına vurduğu qollarla seçilirdi. Onun gedişi ingilislərin “ikinci mərtəbə”dəki effektivliyini bir qədər azalda bilər.