“Qarabağ”ın Çempionlar Liqasındakı rəqibi “Liverpul” İngiltərə Premyer Liqasında gözlənilməz xal itkisi ilə üzləşib.

Premyer Liqanın 20-ci turu çərçivəsində “Kreyven Kottec” stadionunda baş tutan “Fulhem” – “Liverpul” qarşılaşması əsl dramaya səhnə olub. Oyunun startından etibarən təzyiq quran meydan sahibləri, 17-ci dəqiqədə “Liverpul”un keçmiş üzvü Harri Uilsonun qolu ilə önə keçərək ilk hissəni lider tamamlayıblar.

İkinci yarıda oyuna ağırlığını qoyan “qırmızılar”, 57-ci dəqiqədə alman ulduzu Florian Virtsin vurduğu qolla status-kvonu bərpa ediblər. Matçın son dəqiqələri isə azarkeşlərə inanılmaz anlar yaşadıb. 90+4-cü dəqiqədə səhnəyə çıxan Kodi Qakpo mersisaydlıları qələbəyə bir addım da yaxınlaşdırıb. Lakin qonaqların sevinci cəmi 3 dəqiqə çəkib. 90+7-ci dəqiqədə “Fulhem”in oyunçusu Harrison Rid möhtəşəm qolla hesabı bərabərləşdirərək final fitindən saniyələr öncə “Liverpul”u şoka salıb – 2:2.

Lakin qonaqların sevinci cəmi 3 dəqiqə çəkib. 90+7-ci dəqiqədə “Fulhem”in oyunçusu Harrison Rid möhtəşəm qolla hesabı bərabərləşdirərək final fitindən saniyələr öncə “Liverpul”u şoka salıb – 2:2.