“Qarabağ” Çempionlar Liqasının pley-off mərhələsində Macarıstanın “Ferentsvaroş” klubu ilə qarşılaşacaq. Bolqarıstanın “Ludoqorets” komandasını iki oyunun nəticəsini görə məğlub edən (3:0, 0:0) macarlar Qurban Qurbanovun komandası üçün yad deyil. 2022-ci ildə ağdamlılar Çempionlar Liqasının üçüncü təsnifat mərhələsində məhz “Ferentsvaroş”u məğlub etmişdi. Bakida 1:1 oynadıqdan sonra “Qarabağ” səfərdə rəqibini 3:1 məğlub etmişdi.

Budapeşt klubu ölkəsinin ən adlı-sanlı təmsilçilərindəndir. 34 dəfə ölkə çempionu olmaqla yanaşı, Avropa turnirlərində də digər macar klublarından fərqlənib. Belə ki, 1975-ci ildə Avropa Kuboklar Kubokunun finalına qədər yüksəlib. Klub Avropa Liqası və Konfrans liqasının qrup mərhələsinin müntəzəm iştirakçısıdır.

Oyunlar 19/20 və 26/27 avqustda olacaq.