“Qarabağ”ın İngiltərənin “Liverpul” klubuna (0:6) məğlub olduğu əsas mərhələnin 8-ci turunun yekunlarına əsasən, Azərbaycan UEFA reytinqində irəliləyişə nail olub.

“Köhlən atlar” meydanı məğlub tərk etsələr də, pley-off mərhələsinə vəsiqə qazandıqları üçün UEFA tərəfindən əlavə 0,187 bonus xalı əldə ediblər. Bunun sayəsində Azərbaycanın aktivindəki xalların sayı 22,937-yə çatıb və ölkəmiz 27-ci sıradan 26-cı sıraya yüksəlib.

Cədvəldəki qonşularımız:

24-cü yer: Ukrayna       24,412        1/4 

25-ci yer: Serbiya      24,375         1/4

26-cı yer: Azərbaycan   22,937         1/4

27-ci yer: Sloveniya    22,843         1/4

Reytinq cədvəlinə 110,908 xalla hələ də İngiltərə başçılıq edir. İkinci yerdə İtaliya (95,196), üçüncü yerdə isə İspaniya (89,328) qərarlaşıb.

İlk “onluq”da yer alan digər ölkələr bunlardır: Almaniya, Fransa, Portuqaliya, Niderland, Belçika, Türkiyə və Çexiya.