Çempionlar Liqasının 3-cü təsnifat mərhələsində “Şkendiya”nı Bakıda darmadağın edən “Qarabağ” pley-off mərhələsinə adladı. Hələ ilk oyunda Şimali Makedoniya təmsilçisindən üstün olduğunu göstərən ağdamlılar cavab oyunda rəqibi hesabı açmağa peşman etdi. Qonaqlar 10-cu dəqiqədə hesabı açmaqla ümidlənsələr də, çox keçmədən Qurban Qurbanovun komandası qol yağışına başladı. İkinci hissədə bu yağış nisbətən səngidi və ev sahibləri yalnız bir qol vura bildi.
Oyunda legionerlərlə yanaşı Nəriman Axundzadənin fərqlənməsi də yaddaqalan hadisə oldu. Hücumçu son günlər zəif oyununa görə tənqid olunurdu.
UEFA Çempionlar Liqası
3-cü təsnifat mərhələsi, cavab oyunu
Qarabağ – Şkendiya
“Qarabağ”: Koxalski, Mateus Silva (Dani Bolt, 63), Mustafazadə (Mmae, 63), Medina, Cəfərquliyev, Yankoviç, Pedro Bikalyo (Kuaku, 63), Kadi, Leandro Andrade (Cəbrayılzadə, 78), Zubir, Axundzadə (Qurbanlı, 70).”Şkendiya: Qaye, Vebster, Cake, Fetai, Trumçi, Qaka (Krasniçi, 46), R. Ramadani, Zeynulayi (Kaba, 84), Latifi (Alhassan, 46), Tamba (F. Ramadani, 75), İbraimi (Ademi, 63).
Qollar: Tamba, 10 (0:1). Cake, 16-avtoqol (1:1). Kadi, 18 (1:2). Axundzadə, 33 (1:3). Yankoviç, 35 (1:4). Leandro Andrade, 59 (1:5).