“Football Meets Data” analitik portalı 2025/26 mövsümündə avrokubokların əsas mərhələlərində iştirak edən ölkələrin UEFA-dan əldə etdiyi gəlirlərin reytinqini dərc edib. Azərbaycan bu siyahıda bir çox futbol nəhəngini qabaqlayaraq diqqətçəkən mövqedə qərarlaşıb.

Çempionlar Liqası, Avropa Liqası və Konfrans Liqasının əsas mərhələlərində (pley-off daxil olmaqla) təmsil olunan 39 ölkə arasında Azərbaycan 16-cı pillədə yer alıb. Ölkəmizin ümumi qazancı 36 000 000 avro (təxminən 70 milyon manatdan çox) təşkil edir.

Xüsusi qeyd: Bu məbləğin hamısı ölkəmizi avrokuboklarda təkbaşına təmsil edən və Çempionlar Liqasının pley-off mərhələsinə qədər irəliləyən Ağdamın “Qarabağ” klubunun payına düşür. “Köhlən atlar”ın bu uğuru Azərbaycanın klub reytinqi ilə yanaşı, maliyyə göstəricilərinin də yüksəlməsinə birbaşa təsir göstərib.

Avropanın maliyyə nəhəngləri: İlk üçlükdə kimlərdir?

Siyahının lideri, gözlənildiyi kimi, Premyer Liqa təmsilçiləridir. Hazırkı reytinq cədvəli belədir:

Sıra        Ölkə   Klub sayı    Ümumi qazanc (Avro)

1   İngiltərə      9 klub 611 600 000

2   İspaniya        8 klub 424 700 000

3   Almaniya        7 klub 360 600 000