Sabah saat 12:00-da Çempionlar Liqasının əsas mərhələsinin 7-ci turu çərçivəsində Bakıda keçiriləcək “Qarabağ” – “Ayntraxt” (Frankfurt) oyununun biletləri satışa çıxarılacaq.
Qiymətlər sektorlardan asılı olaraq 10 manatdan 1000 manatadək dəyişir. Biletlər yalnız onlayn qaydada iTicket.az saytında və mobil tətbiqində satılır. Bilet alışı zamanı çətinlik yaranarsa, azarkeşlər iTicket.az-ın satış nöqtələrinə, klubun fan-şopuna və Tofiq Bəhramov adına Respublika Stadionunun kassalarına müraciət edə bilərlər. Stadiona giriş yalnız QR-kodlu biletlərlə mümkün olacaq.
Oyun yanvarın 21-də saat 21:45-də Tofiq Bəhramov adına Respublika Stadionunda keçiriləcək.
